Imbes nga manok ang kitkiton, malamig nga rehas ang himason sang 21-anyos nga kawatan matapos gintaban ang isa ka container sang marinated chicken sa Barangay Tisa, Cebu City.
Ini makaligad nga tigayon nga naaresto sang kapulisan ang suspek nga si Brylle Bacalso, matapos nga ginbaligya sini ang kinawat nga manok.
Suno sa biktima nga si Journel Cardeño, nakita niya nga gindalagan ni Bacalso ang nasambit nga container rason nga nagpangyo ini sang bulig sa barangay.
Wala na narekober pa ang manok bangud nabaligya na ini antes pa maaresto.
Gin-ako naman sang suspek ang krimen nga ginhimo bangud nga nagakinahanglan ini sang kwarta, apang wala naman sini ginpahayag kun ano ang iya ginbakal sa diin nagapati ang mga otoridad nga gingamit sini sa iya nga bisyo.
Magapangatubang naman ini sang nagakaigo nga kaso ang suspek.
