Patay na sang nasapwan ang duha ka persona sa Barangay Cacub, Siyudad sang Koronadal bangud ini nalumos sang nagligo ini sa Millennium Falls Damsite, Mayo 19, 2025 pasado 5:00 sang hapon.
Ini ginkumpirmar ni Kapitan Oscar Magluyan, Brgy. Cacub sa interbyu sang Bombo Radyo Koronadal.
Ginkilala ang mga biktima nga sanday alyas “Christian”, 29 anyos, lalaki, isa ka delivery rider, samtang ang isa ka babaye ginkilala nga si alyas “Jessa” 24 anyos, isa ka manunudlo, babaye kag mga lunsay residente sang Barangay Paraiso, Siyudad sang Koronadal.
Suno sa inisyal nga imbestigasyon sa kapulisan, ginbilin ang motor sa pihak nga bahin sang busay kag nagligo ang mga biktima sa Millennium Falls Damsite apang makusog ang ulan sa lugar nga rason nga mabaskog nga pag-agos ang tubig amo gin tunaan sang pagka lumos sang mga biktima.
Suno naman kay Kapitan Magluyan, may nag abiso na saila nga hindi na magdayon bangod makusog ang ulan.
Nahibaluan nga ginabuligan sang lalaki ang babaye nga masalbar sa agos sang tubig apang katapusan duha gid ka biktima ang nalumos.
Sa karon, ang mga lawas sang biktima gindala na sa funeral homes sa Barangay Carpenter Hill, siyudad sang Koronadal.
Nagapanawagan naman si Kapitan Magluyan nga magrehistro gilayon sa barangay agud mahibal-an nga may magasulod nga bisita, maacknowledge kag maabisuhan sa ila malaktan nga lugar.
