Yara sa 2 ka balay kag isa ka tindahan ang natumbahan sang puno sang Talisay sa Block 1, Osita Street, Brgy. Zone II, Koronadal City.
Sa interview sang Bombo Radyo Koronadal kay Barangay Kagawad Arthur Almasan sang Brgy. Zone II ginpahayag sini nga bangud sa naga guwa na nga daan ang gamot sang puno nga malapit sa isa ka kanal sa nasambit nga lugar kag banguf man sa mabaskog nga hangin, nagabot ang nasambit nga puno kag natumbahan sang mga pamalay.
Masuwerte naman nga wala sang may napilasan sa nasambit nga panghitabo kag wala man sang malala nga danyos ang natuga sang nasambit nga insident.
Madugay naman nga wala nakuha ang natumba nga puno sang Talisay sa lugar bangud naka angot ini sa isa ka linya sang kuryente sang SOCOTECO 1.
Wala naman nagpakumpiyansa ang mga residente bangud mahimo nga mangin peligro ini bangud basa pa ang kahoy bangud sa ulan nga na ekspriensiyahan.
