Nagapati ang isa ka college student nga kinahanglan pagtuunan kag amyendahan ang Juvenile Justice and Welfare Act matapos ang ginpatay nga insidente nga may kaangtanan sa isa ka menor de edad.
Sa interview sang Bombo Radyo Koronadal kay Aubrey Hope Sibongga, isa ka college student, ginpahayag niya nga nakabatyag siya sang trauma matapos ang amo nga insidente.
Suno sa iya, may pila ka kabataan nga posible nagagamit sang sini nga layi bilang rason sa paghimo sang sala ukon krimen bangud nagasalig sila nga may proteksyon sila sa idalom sang juvenile justice system.
Gindugang ni Sibongga nga kinahanglan pa sang mas lawig nga pagtuon kag maayo nga implementasyon sang nasambit nga layi agud malikawan ang posible nga pag-abuso sini.
Nagpanawagan man siya nga dapat mas hinalawig ang imbestigasyon kag pagrepaso layibangud kabataan mismo ang daku ang epekto sa bisan ano nga pagbag-o ukon desisyon parte sini.
Ginpalig-on man niya ang papel sang mga ginikanan sa paggiya kag pagtudlo sang insakto nga pamatasan sa ila mga kabataan.
Ginpahanumdom man niya ang mga kabataan nga mangin responsable sa ila mga ginahimo kag desisyon bangud ini mahimo magresulta sa seryoso nga epekto sa ila kaugalingon kag sa iban nga tawo.
Ini ang iya reaksyon kasunod sang insidente sang school shooting sa Tacloban sang Hunyo 22 nga nagbalik sang diskusyon bahin sa proteksyon, responsibilidad, kag implementasyon sang Juvenile Justice and Welfare Act.
