Madinalag-on nga gin sungka sa mga otoridad ang 18 ka mga matag-as nga kalibre sang armasluthang sa bahin sang Talitay, Maguindanao del Norte.
Ginpangunahan ang seremonya sang pagsungka sang mga ini sang lokal nga mga opisyal sang Talitay, Maguindanao del Norte kaupod man ang pwersa sang 6 Infantry “Kampilan” Division sang Armed Forces of the Philippines.
Tinutuyo sang nasambit nga pagsungka sang mga armas amu ang ipabilin ang kalinong sa lugar kag untaton na ang armado nga pagpakigbato sang mga pila ka mga lawless elements sa lugar.
Nagpahayag naman sang suporta ang mga opisyal sang barangay, mga miyembro sang Sangguniang Bayan sa nasambit nga banwa agud nga ipadayon ang maayo nga paghangpanay sang mga residente sang mga otoridad kag ganyaton ang mga residente nga magsunod sa layi kag maki-isa sa tumong sang AFP.
Positibo naman ang panan-awan ang sang AFP sa nasambit nga tikang sa diin parte man sang ginpasangkad pa nga programa sang gobyerno batok sa ilegal nga armas kag kriminalidad sa probinsiya sang Maguindanao del Norte.
Padayon naman ang pagpangganyat sang mga otoridad sa tanan nga luyag mag sungka sa gobyerno nga makig-angot ang mga ini agud nga makapangabuhi sang malinong kag matawhay kaupod ang ila tagsa-tagsa ka mga pamilya//
