-- ADVERTISEMENT --
Indi magnaog sa 14 katawo ang napatay kag 124 pa sa karon ang ginapangita matapos naguba ang isa ka dekada nga lake barrier sa Hualien County, Taiwan sang Martes, Setyembre 23 sa pagpanalasa sang makusog nga ulan dala sang Super Typhoon Ragasa suno sa lokal na gobyerno.
Ginkumpirma ni Lee Kuan-ting, tigpamaba sang Hualien County Government, nga 18 ang pilason, samtang nagapadayon ang search and rescue operations.
Base naman sa National Fire Agency sang pungsod, naglab-ot na sa 7,600 katawo ang nabakwit sa bug-os nga Taiwan bangod sa bagyo.
Angot sini nagpagwas na sang mga video ang mga otoridad nga nagapakita sang mga pagbaha sa pila ka dalanon, pag paglubog sang mga salakyan, kag mga natumba nga puno.
