KORONADAL CITY- Nakabaton sang Livelihood Settlement Grant (LSG) kag Cash Assistance ang yara sa kabug-usan 137 nga Former Rebels gikan sa gobyerno sang Sultan Kudarat kag sa idalom sang Sustainable Livelihood Program (SLP) sang Department of Social Welfare and Development (DSWD) Field office 12.
Ginpangunahan ini ni Hon. Datu Pax Ali S. Mangudadatu, Governor, Sultan Kudarat Province kabulig ang pila ka ahensya sang gobyerno kasubong sang Sultan Kudarat Police Provincial Office, 603rd Infantry Brigade, 6th Infantry Division, Philippine Army kag DSWD XII.
Pinaagi sang SLP, ginhatagan sa nasambit nga numero sang mga returnee ang balor nga Php20,000 kada isa nga naglab ot sa Php2,740,000 ang kabug usan nga gin distribwer.
Sandig sa datos sang ahensya, 23 ka Former Rebels (FRs) gikan sa Sultan Kudarat PPO, 5 FR nga yara sa kustodiya sang RMFB 12 samtang 109 nga FRs nga uyat naman sang 7th IB, 37th IB at 57th IB sang Philippine Army ang nahatagan sang bulig.
Samtang ginpahayag naman ni PCol Christopher M Bermudez, Provincial Director sang Sultan Kudarat PPO, ang iya nga pagpasalamat sa tanan nga mga anay nga miyembro sang rebelde nga nagsungka agud makapangabuhi sang tayuyon.
