KORONADAL CITY – Ginbawian sang kabuhi ang isa driver samtang kritikal naman ang duha ka kaupdanan sini sa pagbungguanay sang isa ka Bonggo kag forward truck sa banwa sang Tupi, South Cotabato.
Inia ng ginkumpirmar ni PMaj. Rommel Hitalia, hepe sang Tupi PNP sa interbyu sang Bombo Radyo Koronadal.
Ginkilala ang napatay nga si Roel Bellosa, 32 anyos samtang ang mga pilason amo saman Roy Ocularez, 40 anyos kag John Lloyd Estorpe, lunsay mga residente sang banwa sang Banga, South Cotabato.
Suno kay Hitalia, nagluntad ang aksidente sa bahin sang Purok Sta. Lucia, Brgy. Polonuling kun diin padulong kuntani sa General Santos City ang direksyon sang Bonggo sang hinali nga nagliko gikan sa separar nga lane ang forward truck nga ginamaneho ni Gilbert Calacat nga residente sang Davao City.
Nakaangkon sang head-on collision ang duha ka salakyan kun diin nawasak ang atubangan nga bahin sang Bonggo.
Nagapati naman si Hitalia nga bangud sa maulanon nga panahon napiyungan si Lego rason nga nagluntad ang aksidente.
Sa karon yara na sa kustodiya sang Tupi PNP ang driver sang turck kag ang mga salakyan.
Makita naman ang wasak nga bahin sang Bonggo bangud sa kabaskog sang impact sang pagbungguanay.
