Nagapahinundom ang Women’s Month sa katawhan nga may papel kag kapasidad sa sosyudad ang kababaihan.
Ini ang nangin pahayag ni Atty. Reyna Grace Caspillo – Lawyer, sa interview sang Bombo Radyo Koronadal.
Suno kay Atty. Caspillo, indi lang sa kababaihan ang pahinumdom nga indi kundi lakip man ang kalalakihan nga may papel ang kababaihan sa syosyudad.
Gindugang pa niya nga bilang abogada, ang ila mga responsibilidad kag obra ang ini nagapakita sang dako nga papel sang kababaihan sa administrasyon sang hustisya.
Ginpabutyag man ni Atty. Caspillo nga dapat mas hatagad ipagtalupangod ang edukasyon kaangot sa mga katungod sang kababaihan.
Bangud sini, nagbilin man sang mensahe si Atty. Caspillo sa tanan nga kababaihan nga magpabilin nga mabaskog, padayon nga mag-uswag agud ipakita ang ila kaugalingon nga kapasidad kag mangin malipayon nga isa ka babaye bangud madamo ang mga butang nga babaye lang ang makasarang maghimo para sa sosyudad.
