“South Africa’s Dumbest Criminal”
Ini ang tawagl sa isa ka wanted nga lalaki sa nasambit nga pungsod matapos ini ang mahapos nga maaresto sang mga pulis makaligad ang pito ka tuig nga pagpanago sa kasuguan.
Base sa report, apisar yara sa wanted list, nagpalapit sa estasyon sang pulisya si Thomas Ngcobo isa ka 40 anyos nga lalaki kag nagapangatubang sa kaso nga pagpangawat sang mga hardware materials.
Nahibaluan nga isa ka anay delivery man sang hardware store ang suspek apang sa baylo nga ma-deliver sini sa mga kliyente ang materyales, gindala niya ini sa balay sang iya kahimbon kag ginbaligya sa mas mahal nga presyo.
Sa pihak sang ginapangatubang nga kaso, nagkadto sa Bethal South African Police Service station sa Mpumalanga ang suspek agud i-follow up ang iya aplikasyon sa police recruitment service.
Sang narealisar sang opisyal nga yara sa help desk nga kapangalan sang suspek ang yara sa listahan sang mga wanted nga persona, gilayon ini nga gin-aresto kag sang nakumpirmar ang iya identity, ginsulod siya sa prisuhan.
