Gintawag nga “dramatic actor” ni Vice President Sara Duterte ang iya amay nga si anay pangulong Rodrigo Duterte sa pagtambong sini sa imbestigasyon sang quad-committee sang Kamara sa nangin away kontra droga sang administrasyon sini.
Para sa bise presidente, 12 out of 10 ang mahatag sini nga ratings kag “best dramatic actor” sa pag-atubang sang iya amay sa mga naga akusar sa iya sa Kamara.
Ang wala ginalauman nga presensiya sini sa hearing suno kay VP Duterte ang para sa iya amay bangud sa pagkabalaka sini sa iya ikaayong lawas, ilabi pa nga nahinagban na ang hearing.
Talalupangdon man suno sa iya nga wala sang uniform rules nga gina obserbar ang quad comm.
Matandaan nga una na ginpahayag sini nga ila na ginalauman nga indi makabaton sang patas nga pagtratar ang anay pangulong Duterte sa imbestigasyon.
