Wala pang pinal na desisyon ang Vatican kung matutuloy ang nakatakdang pagbisita ni Pope Leo XIV sa Uruguay, Argentina at Peru mula Nobyembre 6 hanggang 17, dahil kailangan pang matiyak ang kondisyon ng kalusugan ng Santo Papa.
Ayon sa Vatican, kinakailangan munang sumailalim sa karagdagang pagsusuri ang 71-anyos na lider ng Simbahang Katolika matapos ang operasyon upang alisin ang naipong tissue sa kaniyang baga. Bagama’t hindi na umano nangangailangan ng karagdagang therapy, patuloy pa rin siyang inoobserbahan upang matiyak ang maayos na paggaling.
Dahil dito, pinag-aaralan din ang posibleng pagbabago sa iskedyul ng Santo Papa upang hindi maapektuhan ang kaniyang pagpapagaling. Inaasahang maglalabas ang Vatican ng karagdagang anunsyo sa mga susunod na araw hinggil sa magiging desisyon sa biyahe.
Matatandaang nakalabas na sa pagamutan si Pope Leo XIV noong Oktubre 18 at unti-unti nang bumabalik sa kaniyang mga tungkulin sa Vatican. Gayunman, nananatiling mahalaga ang kaniyang pahinga at patuloy na pagsubaybay sa kalusugan bago isagawa ang anumang malayuang paglalakbay.
