Nag-issue ang Philippine National Police (PNP) sang 40 ka mga subpoena sa 11 ka mga persons of interest nga gina-imbestigaran subong may kaangtanan sa pagtinguha nga magpalusot sang ilegal nga droga—nagabalor sang ₱3.5 bilyones—halin sa Laos pakadto sa Pilipinas.
Lakip sa ginserbehan sang subpoena amo ang anay Bangsamoro Parliament member Edriezan Hadji Nasser Rimbang nga gina-alegar financier sang amo nga operasyon.
Gingamit ang private airplane sa pagtinguha nga dalhon ang kontrabando sa pungsod ginabanta nagabalor sang ₱11 milyones.
Ginapangita pa sang mga otoridad ang apat sa 11 ka mga persons of interest, bangud ginreport nga naghatag sila sang peke nga mga address, nga nagresulta sa ila pagtinguha nga madakpan sila gilayon.
Samtang, ginpatawag naman sang House Committee on Dangerous Drugs ang Department of the Interior and Local Government (DILG) Secretary Jonvic Remulla kag Philippine Drug Enforcement Agency (PDEA) Director General Isagani R. Nerez para sa initial briefing sa nasambit nga kaso.
Ginatumod sang briefing nga istoryahan ang detalye sang insidente kag ang nagapadayon nga imbestigasyon sang mga otoridad sa ginatuyo nga pagpalusot sang iligal nga druga nga nagabalor sang binilyon ka pesos.
