Tupi PNP bukas sa imbestigasyon sa kamatayon sang Tribal Pastor makaligad maluthang sang ila operating team

KORONADAL CITY- Ginapasiguro sang Tupi PNP nga bukas sila sa anuman nga imbestigasyon nga igapatigayon sang Commission on Human Rights o anuman nga investigating body angot sa kamatayon sang tribal pastor halin sa Kablon Tupi, South Cotabato nga si Lido Dani.
Kun madumduman nalamita ang katapo sang Tupi PNP nga si PO1 Ramil Billon kag ang 5 ka myembro sang pamilya Dani sa nagluntad nga rambol makaligad mag-initay sa isa ka kalduhan kun sa diin nakaangkon pa sang nilagsanay, agway sang armas kag niluthanganay.
Sa ekslusibo nga interbyu sang Bombo Radyo Koronadal kay PCI Bernie Faldas hepe sang Tupi PNP, nagapanindugan sila nga wala sang sala si PO1 Billon kag ang mga nagresponder nga mga pulis bangud gindipensahan lang suno pa nila ang ila mga kaugalingon batuk kanday Lido Dani, Cpl Mangilay Dani, Marcelino Dawang kag 2 pa ka mga menor de edad nga ginasiling nga nag-umpisa suno pa sang kinagamo.
Dugang pa ni PCI Faldas, handa sila nga mag-atubang sa imbestigasyon kun sa diin ginahimo lang suno pa sang mga pulis ang ila nga responsibilidad.
Kaangot sini, kabahin suno pa sang Standard Operating Procedure ang ginhimo sang mga katapo sang Tupi PNP ang pagpahapa kay Brgy. Kablon kapitan Oting Tilo makaligad ini nga nagresponder sa nagluntad nga krimen matapos kun sa diin nagpangayo na sila sang pasensya sa nasambit nga kapitan.
Nagapati man sila nga wala sang sala ang ila pulis kag nagpanindugan nga dipensa nalang sang pamilya Dani ang akusasyon nga hubog ang ila mga pulis kag ini ang nagsugod sang gamo.