Padayon ang monitoring sang International Criminal Court (ICC) Registry sa kondisyon kag hulag ni anay Presidente Rodrigo Duterte samtang maka-detain ini sa The Hague bangud sa iya nga pang-edaron kag pila ka ginabatyag nga balatian.
Sa seven pages nga dokumento nga na-petsa Mayo 20, ginpahayag sang ICC Registry nga ginakabig si Duterte nga detainee nga yara sa mataas nga peligro nga matumba, apang wala sang na-rekord nga insidente nga natumba ini sang naglabay nga pagkahulog sa naglabay nga 30 ka adlaw.
Sa dugang, wala na naghatag sang dugang nga detalye ang ICC angot sa iya mga chronic condition bangud sa confidentiality sang medical records.
Suno sa ICC Registry, sa tion nga daw kasubong madula sa balanse ang anay presidente, ini ang ginabuligan sang detention staff kag gina-chekyar sang medical team.
Ginpahayag man sang ICC nga may yara na sang pagbag o sa selda sang anay presidente agud nga mas mangin komportable kag mangin matawhay ang mga hulag sini.
