KORONADAL CITY – Nakibot kag natingala sa subong ang mga residente sang Brgy. Tinoto, Maasim, Sarangani Province kun ngaa hinali na lamang nagtuhaw sa baybayon ang ginabulubanta tinonelada nga mga isda.
Sa interview sang Bombo radyo Koronadal kay Ms. Kila Barroga Diaz, taga-Tacurong City, ginpahayag niya sini nga nagpadulong sila sa Maasim, Sarangani agud nga mag hiwat sang isa ka aktibidad kaupod ang iya nga mga kapamilya sang pagpatak sang kaagahon sang Dominggo, Enero 7 2024, nakibot ang mga ini bangud naga sinala ang mga mga nagapala-ligo sa dagat kag naga dali-dali padulong sa pangpang bangud sa tuman ka damu nga mga isda nga tamban nga naga pisik padulong sa baybay tubtub nga nagdamu na ang mga ini kag kulukasubong nga nagbaha ini sa manabaw nga tubig.
Madasig naman suno pa nga nag kuha sang bulutngan ukon celophane nga mahimo mabutangan sang tuman ka damo nga mga isda. Mangin sila nga nagpadulong lang sa lugar agud nga magpaligo lang kuntani, ang nagkuha sang dako nga suludlan sang mga isda.
Suno pa sa mga residente, ika-duha na ini nga tion nga natabo ang nasambit nga pagpadulong sa pangpang sang tuman nga damo nga isda. Madamo naman sang nagapati nga isa ini ka grasya halin sa dagat bangud nagdungan gid ini sang pag selebrar nga 3 kings.
May mga nakulbaan naman nga mga netizen sa nasambit nga panghitabo bangud basi patimaan ini sa isa ka palaabuton nga kalamidad bangud sa indi kinaandan nga panghitabo.
