Liwat ginpamatud-an sang mga lider sang South Korea, Japan, kag US ang ila pangako nga magbuligay agud sabay nga masolusyunan ang mga isyu sa rehiyon.
Ini natabo matapos ang trilateral meeting sang tatlo ka pungsod sa pagselebrar sang anibersaryo sang nasambit nga summit nga ginbuhat sa Camp David.
Subong nga adlaw, Agosto 18, 2024, nagpulong sanday US President Joe Biden, Japanese Prime Minister Fumio Kishida, kag South Korean President Yoon Suk Yeol.
Suno kay President Yoon, ang mga prinsipyo sang trilateral cooperation nabuo durante sang nakaligad nga summit kag amo ini ang nagahatag direksyon sa kooperasyon sang tatlo ka pungsod.
Nagkasugot ang tatlo ka lider nga palakson kag palawigon pa ang military kag economic cooperation.
Nag-isa man ang tatlo ka lider nga magpabilin nga matibay kontra sa China bahin sa pagpakusog sang ila pwersa nga nagahatag sang banta sa seguridad, kag ang banta sa seguridad nga nagahalin sa North Korea.
