Pagapasakaan sang kaso ang isa ka vlogger ukon si Boss LB, matapos magviral ang iya nga video nga nakuhaan siya nga nagapakuno-kuno nga taklong ukon “snail” nga nakasuksok sang berde nga costume.
Ang iya ginhimo nagtuga sang madugay nga trapiko kag nakaagaw sang atensyon sang publiko.
Sa nasambit nga video, makit-an nga nagapang crawls siya sa tunga sang karsada nga ginapalibutan sang mga salakyan. Apang, sang nagtikang na mag-‘go’ ang trapiko, dali-dali man ini nagpalagyo.
Suno kay Highway Patrol Group (HPG-7) Chief, isa ini ka public disturbance kag peligroso nga stunt nga mahimo magresulta sa disgrasya.
Ginpahayag man nga mahimo siya atubangon sang kaso sa paglapas sa traffic laws kag iban pa nga kriminal nga reklamo.
Sa iya bahin, naghatag sang pahayag si Boss LB sa iya Facebook page kag nagklaro nga wala siya nagekspektar nga makaguba sang trapiko kag para saiya content lang ang iya hinimuan
Sa karon, boluntaryo nga nagsungka ang vlogger sa Consolacion Municipal Police Station (MPS) kag nagpangayo sang public apology sa publiko bangod sa iya inubrahan.
Padayon ang imbestigasyon sang mga otoridad sa insidente kag ginapaandam ang publiko batok sa mga stunt nga mahimo magbutang sang distorbo sa kadam-an kag magresulta sa disgrasya.
