Matigdas nga ginkwestyon ni Sen. Loren Legarda ang ginpatigayon nga pag-ilis sang liderato sa Senado sang Gatchalian Bloc, kag ginpahayag nga indi ini lehitimo kag nagakontra suno pa sa palasundan kag Konstitusyon sang institusyon.
Suno kay Legarda, indi dapat gamiton ang temporaryo nga pag-absent kag pagkaarestar, ukon iban pa nga sitwasyon sang mga senador bilang basehan sa masami nga pagreorganisar sang liderato sa Senado.
Ginpabutyag niya nga kun ini ang matabo, wala na ginakilala sang institusyon ang mandato sang katawhan kag ang proseso nga dapat magdeterminar sang mayorya kag mga opisyal sang Senado.
Ginpahayag man niya nga padayon niya nga ginakilala ang iya kaugalingon bilang Senate President Pro Tempore, kag nagpanawagan nga protektahan ang Konstitusyon kag integridad sang Senado.
Suno sa iya Konstitusyon ang giya sang demokrasya kag ini ang dapat depensahan para sa Senado, para sa aton institusyon, kag labi na para sa kada Pilipino.
Ang pahayag natuhaw kasunod sang tikang sang Gatchalian Bloc nga magpili kay Senador Sherwin Gatchalian bilang Acting Senate President Pro Tempore.
