Ginhingyo sang law professor kag law book author nga si Atty. Jennifer Arlene Reyes si Sen. Francis “Chiz” Escudero nga mas hugtan ang pagpatuman sang mga pagsulundan sa iya kasubong nga senator-judges sa nagapadayon nga impeachment trial ni Vice President Sara Duterte.
Suno sa batikan nga abogado, kinahanglan mangin mas proactive ang presiding officer kag gamiton ang awtoridad sang impeachment court agud masiguro nga ang tanan nga senator-judges nagasunod sa mga pamaagi sang korte.
Ginpahayag ni Reyes nga mahimo gamiton ni Escudero ang contempt power, pagsawayon ang mga senator-judges ukon magmando nga mapatay ang ila mga mikropono kon nagalapas sila sa impeachment rules.
Dugang pa sini, malapad ang ginahatag sang layi nga gahum sa presiding officer sa isa ka impeachment trial, lakip ang pagdisiplina sa mga senator-judges kag pagtumod kun may naglapas sa mga patakaran sang korte.
Suno pa kay Reyes, indi malikawan nga may mga senador nga posible magsobra sa ila papel bilang hukom, gani importante nga mangin aktibo si Escudero sa pagpatuman sang kaayohan kag pagpasunod sa mga pagsulundan sang impeachment court.
