-- ADVERTISEMENT --
Ginpamunuan ni 74-anyos Richard “Rich” Greenwood sang Estados Unidos ang rekord bilang pinakatigulang nga lalaki nga naglupad gamit ang wingsuit, suno sa Guinness World Records.
Nakuha ni Greenwood ang rekord sang Hunyo 5 sa edad nga 74 ka tuig kag 136 ka adlaw, nga nagbungkag sa nauna nga rekord ni Robert Felt sang Wisconsin nga nakalupad sa edad nga 72 ka tuig kag 64 ka adlaw.
Bisan sa iya edad, padayon nga nagahimo sang skydiving si Greenwood nga iya na ginahimo sa sulod sang kapin lima ka dekada.
Halos kada katapusan sang semana, nagalumpat sia halin sa eroplano nga nagasuksok sang wingsuit sa New Mexico kag nagagamit sang parasyut agud makabalik nga luwas sa duta.
