Sa pagsaulog sang iya ika-35 nga kaadlawan, ginpili ni Ryan Bang nga ipaambit ang iya blessings sa mga tawo nga madugay na niya nga kaupod.
Sa iya vlog, gin-share ni Ryan nga ginhatag niya ang iya natipon nga savings sa sulod sang 15 ka tuig sa iya personal assistant kag driver.
Suno sa TV host, luyag niya nga balusan ang ila loyalty kag suporta sa iya sa sulod sang mga tinuig nga ginkabig na niya ini nga mga pamilya.
Magluwas sini, naghatag man sang bulig pinansyal si Ryan sa Mahayahay Elementary School sa Mindanao nga nahalitan matapos ang mabaskog nga linog.
Ginpahayag sini nga natandog sia sa sitwasyon sang mga estudyante rason nga napinsaran niya nga maghatag sang donasyon agud makabulig sa pagbangon sang eskwelahan.
Madamo nga mga netizens ang nagdayaw kay Ryan bangud sa iya pagkamaalwan.
Gindayaw sia sang iya mga fans bangud sa pag-apresyar sa mga tawo nga nangin kabahin sang iya kadalag-an kag sa pagbulig sa mga nagakinahanglan.
