Ginkilala sang mga fans si rock legend Bon Jovi matapos nga kumbinsihon ang isa ka babaye nga maglumpat kuntani sa tulay.
Nagahimo sang video shoot ang singer sa John Seigenthaler Pedestrian Bridge sa Music City, Nashville sang nakita niya ang isa ka babaye nga ara na sa railings sang tulay.
Wala na nagduha-duha ang “It’s My Life” singer kag ginpalapitan ang babaye.
Diri, nakumbinsi niya ang babaye nga indi magpadayon sa paglumpat sa nasambit nga tulay.
Ginkonsulta niya ang babaye kag gintawagan ang mga otoridad.
Sa ibabaw sang pagkanta, nagtuon si Jon Bon Jovi kung paano atubangon ang mga tawo nga naga-atubang sang mabug-at nga depression.
Ini ang iya ginatudlo sa iya JBJ Soul Foundation.
Pagkatapos maglapta sang nasambit nga video online, nakakuha ini sang pagdayaw halin sa fans sang singer kag pati sa iban pa nga singer.
