Ginlubong ang isa ka prominente nga pulitiko sa South Africa gamit ang pinalangga nga Mercedes limousine sini bilang lungon agud sundon ang last wish sini.
Ini kasunod sang pagkamatay ni Tshekede Bufton Pitso, anay lider sang United Democratic Movement (UDM) sa Eastern Cape matapos nga nag-collapse samtang yara sa iya driveway sakay sa ginapanag-iyahan nga Mercedes E500 limousine.
Nauna na nga ginpalayag ni Pitso sa iya mga himata nga luyag sini ilubong sa iya pinalangga nga Mercedes sa baylo nga sa conventional nga lungon.
Nahibaluan dugang nga ginpabugal sang anay negosyante nga si Pitso ang impresibo sini nga garahe nga may magarbo nga fleet sang mga salakyan nga Mercedes.
Apang bangud sa kabudlay sa pinansyal nga aspeto, ginpamaligya sang anay lider ang mga mahalalon nga salakyan kag nagbakal na lamang sang secondhand nga Mercedes.
