KORONADAL CITY- Nagpalab-ot sang pagpasalamat si South Cotabato provincial social worker officer 4 Hydee Agustin sa Bombo Radyo Koronadal bangud sa nangin instrumento ini sa pagbulig sa mga ginaabuso nga OFW’s labi na sa middle east.
Ginpahayag ni Agustin nga dako nga bulig ang ginhimo sang Bombo nga nangin taytay ini sa madasig nga askiyon sa suporta man ni Bombo Correspondent Boyet Forro sa pagsalbar sang kabuhi sang mga OFW’s nga nakaeksperiensiya sang pagpangmaltrato.
Malipayon man sini nga ginbalita nga nakapuli na ang isa ka OFW nga nakaeksperiensiya sang pisikal kag emosyonal nga pag-abuso nga si alyas Jenny sang Nueva Ecija nga iya gindangop sa Bombo Radyo.
Bangud sini, ginkilala sang opisyal ang wala untat nga pagbulig sang Bombo sa mga kababayan nga nagakinahanglan sang bulig.
Lauman man nga magapadayon ang adbokasiya sang Bombo nga makabulig nga wala sang kabaylo sa mga Pilipino ilabi na sa mga OFW.
