Nagsaka sang sobra 3 porsiyento ang presyo sang petrolyo bangud sa una nga pag-atake sang Iran sa Israel halin sang Abril 8 nga ceasefire.
Sa una nga bahin sang trading, nagsaka sang 3.29 porsiyento ang presyo sang Brent crude oil kag nag-abot sa $96.15 kada barrel.
Samtang, ang equivalent sini sa Estados Unidos nga West Texas Intermediate nagsaka man sang 3.25 porsiyento kag nag-abot sa $93.48 kada bariles.
Suno sa mga report, naglunsyar ang Tehran sang pila ka missile padulong sa Israel sang Domingo, nga gin-angkon sang Israel nga ila ini na-intercept.
Bangud sini, nangin mas maginalungon ang mga investor sa pagbaligya kag pabakal sang petrolyo kag iban pa nga enerhiya commodities, kay ang bisan ano nga paglala sang kinagamo sa rehiyon mahimo makaapekto sa suplay kag magduso pa sang mas mataas nga presyo sa mga madason nga adlaw.
