Gulpi nga nagsaka ang presyo sang krudo matapos ang datos nga ginpaputukan kag gin-arestar sang US Navy ang isa ka Iranian-flagged cargo ship sa Gulf of Oman nga ginapatihan nga nagtinguha maglikaw sa naval blockade.
Nagpaandam ang Iran sang madali nga pagbalos sa insidente nga ila gintawag nga “armed piracy,” samtang padayon ang tensyon tunga sang US kag Iran sa rehiyon.
Bangud sini, napektaran ang suplay sa Strait of Hormuz nga ginakabig nga isa ka importante nga ruta sang petrolyo sa kalibutan kun sa diin nagresulta sang pagsaka sang presyo sang US crude sa $87.90 kada bariles kag Brent crude sa $95.64.
Antes sini, nagnubo ang presyo bangud sa paglaum sang merkado nga magabukas ang ruta, apang nabaliskad ini sang bag-o nga paglala sang kinagamo.
Sa tunga sang krisis, nagpabilin nga wala pa sang klaro ang peace talks samtang nagasikway ukon nagalikaw ang Iran sa bag-o nga negosasyon sa Pakistan bangud sa padayon nga blockade sang US.
