Nagbyahe si President Ferdinand Marcos Jr. padulong sa United Arab Emirates para sa isa ka 3-day visit kun sa diin siya ang magawitness sa pagpermahanay sang trade kag defense deals kag magapartisipar sa isa ka sustainability summit sa Abu Dhabi.
Suno sa Malacañang, nagtake-off ang eroplano ni Marcos sang Lunes, alas 6:30 sang gab-i kag magamay lamang nga delegasyon ang upod sang Presidente.
Sa nasambit nga visit, ginapaabot nga magapermahanay ang Pilipinas kag UAE sang pila ka importante nga mga agreements lakip na ang Comprehensive Economic Partnership Agreement (CEPA).
Ang CEPA ang ginapaabot nga mag-expand sang kooperasyon sa trade, services kag investments kag magahatag sa Pilipinas sang mas dako nga access sa mas malapad nga Gulf Cooperation Council (GCC) market, lakip na ang Bahrain, Kuwait, Oman, Qatar kag Saudi Arabia.
Sa iya departure message, ginpahayag ni Marcos nga ang pagpermahanay sang duha ka mga agreements ang isa ka testament sa mas madalom nga bilateral ties sa tunga sang duha ka mga pungsod.
