KORONADAL CITY – Away pamilya ukon rido ang gintan-aw nga motibo sang mga otoridad sa nagluntad nga pag ambush patay sa isa ka political committee officer sang Moro Islamic Liberation Front (MILF) nga nagresulta man sa pagkapilas sang bata sini kag apo nga babaye.
Nakilala ang napatay nga si Ibrahim Kumadtong nga residente sang Sitio Campo, Barangay Malapag, Carmen, North Cotabato.
Base sa report sang Carmen PNP, ginbantayan sang mga naka-bonet nga suspek kag ginluthang ang biktima nga Ibrahim samtang sakay ini sa iya nga motorsiklo padulong sa Sitio Campo kun sa diin naulamid kag napilasan man ang bata sini kag apo sini nga babaye.
Gilayon nga gindanggat sa balay bululngan ang nasambit nga biktima apang gindeklarar ini nga dead on arrival.
Wala naman suno pa sang kaangot sa ginpatigayon nga plebesito sang Bangsamoro Organic Law (BOL) ang pagpatay sang MILF political officer.
