KORONADAL CITY – Yara sa full alert level status sa subong ang otoridad sa banwa sang Midsayap ,North Cotabato makaligad nmga napungan ang paghana kon tani sa pag pangsigabong sa isa ka Improvised Explosive Device (IED) sa kilid sang Midsayap MPS kag Bureau of Fire Protection-Midsayap.
Ini ang kinumperma ni PLt.Col. Rolly Oranza, hepe sang Midsayap MPS sa ekslusibo nga interbyu sang Bombo Radyo Koronadal.
Suno sa hepe, nakabaton sila sang isa ka report nga halin sa mga sibilyan nga may kaangtanan sa isa ka maka dulududa nga bag nga gin bilin man lang sa basurahan sa Roosevelth St. Poblacion 3 sa nasambit nga banwa.
Madasig naman nga nag responder ang mga bomb experts halin sa AFP kag EOD kag gilayon nga nagpatigayon sang Rendered Safe Procedure ukon ang RSP, kag gin kompirmar sang EOD team nga bomba ang unod sang nag sa sulod sang nasurahan .
Gin pasiguro naman sang mga otoridad nga wala sang nakapagkit nga iban ka bomba sa palibot kag gin pasiguro man nga naga isahanon lang ang IED, madasig man nga na dinifuse sang EOD Team ang bomba.
Dugang pa sang hepe, Ang nasambit nga IED ang gin himo sa main charge, , blasting cap, circuit kag duha ka 9 volts batteries.
Gin rebyu sang otoridad ang CCTV footage kag nakuha sini ang area ang pag abot sa duha ka suspek nga sakay ang motorsiklo banda alas 6:30 kagab-i nga madasig man nga naka palagyo makaligad nga gin bilin ang bag.
Aminado naman si Orenza nga bag-o paman ang paghana nga pag pamomba sa Midsayap, nakabaton sang pamahog halin sa indi pa nakilal-an nga grupo ang probinsya ng North Cotabato.
Nagapasalamat naman ang mga otosidad sa madasig nga aksyon sang mga residente sa lugar.
