KORONADAL CITY – Ginpasiguro sang kapulisan nga nakahan-ay na ang seguridad sa bug-os nga siyudad sang Koronadal sa pag-abot ni Pangulong Ferdinand Marcos Jr. buwas nga adlaw sang Biyernes, Mayo 24,2024 para sa distribution sang mga land titles sa masobra kwatro (4) mil ka mga Agrarian Reform Beneficiaries (ARB) nagikan sa nagkalain-lain nga lugar sa Region 12.
Sa interview sang Bombo Radyo Koronadal kay PLt.Col. Hover Antonio, nakaplastar na ang checkpoints, chokepoints kag mobile patrols sa pagsiguro nga wala sang may makalusot nga malain nga tawo sa pag-abot sang pangulo.
Sa pagkamatuod may advance party na sang Presidential Security Group (PSG) agud masigurado ang ang kaluwasan sang pangulo kag sang mga dinapit nga bisita.
Igapatigayon buwas nga adlaw ang distribution sang CLOA sa South Cotabato Gym and Cultural Center.
May augmentation man sang dugang nga pwersa kag deployment sa bug-os nga siyudad nagikan sa Regional Office 12.
Kaangot sini, alas-4 pa lamang sa kaagahon buwas nga adlaw igasirado na ang iban nga dalanon sa siyudad.
