KORONADAL CITY- Nagpasalamat ang isa ka Overseas Filipino Worker (OFW) halin sa Saudi Arabia makaligad nga marescue ini sa hana nga pagpanglugos sa iya sang iya nga amo sa Thurayban, Saudi Arabia.
Sa ekslusibo nga interbyu sang Bombo Radyo Koronadal kay Sunshine Demaya, 24 anyos may 2 ka mga kabataan halin sa Brgy. Rotonda, Koronadal, bangud sa Bombo Radyo kag kay Bombo Correspondent Boyet Forro naluwas sya sa kamot sang amo nga pulis nga si Ali Abdul Al Khatiri, 33 anyos.
Suno kay Sunshine, madugay na suno pa ini nga ginakursunadahan sang nasambit nga suspek kun sa diin ginbutong suno pa ini sa isa ka kwarto kag didto kun tani pagaluguson apang nagbato ini kag nag-agaway pa sila sang kutsilyo kag wala nadayon ang pagpanglugos.
Makaligad sini, nagpreso ini sa iya na kwarto sa sulod sang 4 ka adlaw sa iya nga kwarto bangud sa tuman nga kahadlok kag ang ginkaon lamang sini sa sulod sang 4 ka adlaw amuh ang dates kag tubig.
Maluya na suno pa ini rason nga nahuna-hunaan sini nga magpabulig sa Bombo kag sa pakigbuligay ni Bombo Correspondent Forro sa Philippine Overseas Labor Office narescue ang Pinay DH sa puluy-an sang iya nga amo.
Sa karun nakapauli na ini sa Koronadal kag personal nga nagpasalamat sa Bombo Radyo.
