Pinakamahal nga balahibo sang pispis nabaligya sa auction sa balor nga $46K

Nabaligya sa auction sa balor nga $46,000 ukon kabaylo sang masobra P2.3-M ang balahibo sang huia bird.

Suno sa Webb’s Auction House, ini na ang makabig pinakamahal nga balahibo nga nabaligya sa kasaysayan.

Ang huia ang gina-angut sa wattle-bird family nga ulihe nakit-an sang 1907.

Ini ang importante sa Maori, isa ka tribu sa New Zealand bangud ini ang ginagamit nila bilang headpieces sang ila pinuno kag pamilya.

Ginaregalo man kag ginabaylo sa iban nga mga produkto.

Mahibaluan ang pinakaulihe nga balahibo sang pispis nga nabaligya sang 2010 sa kaparehas man nga klase kag nabakal sa balor nga $8,400.