KORONADAL CITY – Wala na suno pa ginapaminsar sang pila ka mga himata sang Maguindanao massacre victims ang kwarta bilang kompensasyon sa ila sa brutal nga insidente nga nagluntad 11 ka tuig na ang nakaligad.
Sa interbyu sang Bombo Radyo Koronadal kay Justice Now Movement president Emily Lopez, ginpahayag sini nga ang paglab-ot sang hustisya na lamang ang ila ginatutokan subong sa baylo sang kompensasyon nga ihatag sa ila.
Dugang ni Lopez, padayon man ang pag-obra sang ila legal team nga mangin bug-os ang hustisya nga ila maangkon labi na nga ila sa gihapon ginapakigbato ang pagka-dismiss sa kaso sang iban sa mga nalamita sa masaker halin sa yara sa 200 nga mga suspek.
Sa subong ginaapela na nila ang kwarta nga igahatag para sa iban nga mga pamilya sang biktima nga wala pa nabaton tubtob sa subong.
Magluwas sa General Santos City, ginpatigayon man sa roundball sa siyudad sang Tacurong ang isa ka simple nga candle-lighting ceremony.
Nahibaloan nga pakaisa ni Lopez ang isa sa mga massacre victims nga si Arturo Betia sang Periodico Ini nga nakabase sa siyudad sang General Santos.
