Wala na nakaabanse sa knockout stage sang 2026 ASEAN Championship ang Philippine men’s national football team matapos mapierde sang Malaysia, 1-0, sa ila katapusan nga group-stage match.
Kinahanglan sang Pilipinas ang dako nga kadalag-an batok sa Malaysia agud may tsansa nga makasulod sa semifinals.
Apang sa ika-16 nga minuto, nakaiskor si Pavithran Gunalan para sa Malaysia pinaagi sa header halin sa cross ni Wan Kuzain.
Nagtinguha ang Pilipinas nga i-tie break ang puntos apang napunggan sang Malaysian defense ang ila mga pag-atake.
Nagpakita man sang maayo nga depensa si Azri Ghani matapos niya masalbar ang puntos ni Javier Mariona sa ika-34 nga minuto.
Wala na nakaiskor ang Pilipinas tubtob sa katapusan sang hampang, gani nagpadayon ang Malaysia sa semifinals.
Nanguna sa Group B ang Thailand matapos magdaog sa tanan nila nga apat ka hampang, samtang ikaduha ang Malaysia nga may tatlo ka kadalag-an kag isa ka kapierdehan.
