Nagalaum ang Partido Manggagawa nga matalakay ni President Ferdinand Marcos Jr. ang lima ka nagapanguna nga isyu sang mga mamumugon sa iya ikalima nga State of the Nation Address (SONA).
Suno kay Partido Manggagawa Chairman kag anay Kongresista Rene Magtubo, dapat hatagan sang atensyon ang nagasaka nga unemployment kag paglapta sang contractualization, ang pagsaka sang presyo sang mga baraklon nga wala nagaangot ang sweldo sang mga mamumugon, kag ang dako nga diperensya sa tunga sang minimum wage kag cost of living.
Ginhingyo man sang grupo nga aksyunan ang isyu sang flood control kag iban pa nga public infrastructure projects nga naulamid sa kontrobersiya, kag ang padayon nga kapigaduhon nga nagaapekto sa nagkalain-lain nga sektor.
Suno kay Magtubo, kun nangin bantog ang linya nga “Mahiya Naman Kayo” sa nagligad nga SONA, dapat subong madugangan ini sang “Mahiya Naman Kayo sa Manggagawang Pilipino.”
Dugang pa niya, sa apat ka tuig nga pagpungko ni President Marcos, wala pa sa gihapon nabatyagan sang mga mamumugon ang pag-ayo sang ila kahimtangan.
