Ginkwestyon ni House lead prosecutor kag Batangas Representative Gerville Luistro ang estratehiya sang kampo ni Vice President Sara Duterte sa impeachment trial, bangud suno sa iya, wala nila direktang nasabat ang alegasyon angut sa P817.87 milyon nga indi maipaliwanag nga manggad sang bise presidente.
Suno kay Luistro, posible nga kulang sa ikasarang ang defense team ukon mabudlay gid depensahan ang amo nga alegasyon.
Ginkwestyon man niya ang mga testigo nga ginpresentar sang depensa bangud wala kuno nagatuhoy sa panguna nga isyu sang kaso.
Antes sini, nagpresentar ang prosekusyon sang bank records, dokumento sang mga korporasyon kag pagsusuri sang mga accountant bilang ebidensya batok sa bise presidente.
Sa karon, ang Article II na lamang nga nagalakip sang alegasyon sa indi maipaliwanag nga manggad ang nabilin nga ginatalakay sa impeachment trial matapos bawiin ang tatlo pa ka artikulo.
Padayon naman ang kampo ni Duterte sa pagpresentar sang ila mga ebidensya agud sabton ang mga alegasyon, samtang ginalauman nga magapadayon liwat ang paglilitis sa Disyembre 1, 2026.













