Nagdeklarar sang pungsodnon nga kalamidad ang Fiji kag nagpatuman sang 27-day state of emergency ang Tonga bangod sa malawig kag tuman nga tigpalamangag nga ginadugtong sa El Niño phenomenon.
Suno sa gobyerno sang Fiji, naglab-ot na sa lebel sang krisis ang kakulang sang tubig, nga nagapabudlay sa madamo nga pamilya sa pungsod.
Ginpahayag ni Fiji Prime Minister Sitiveni Rabuka nga naganubo na sa makahaladlok nga lebel ang suplay sang tubig, gani nagpadala ang mga awtoridad sang madamo nga trak agud magdul-ong sang tubig sa mga lugar nga tuman nga apektado.
Samtang, nagdeklara man ang Tonga sang 27-day state of emergency bangod sa malapnagon nga kakulang sang tubig.
Suno kay Acting Prime Minister Viliami Latu, paagi sa deklarasyon, mapadasig ang paghatag sang bulig kag mga serbisyo sa emerhensya agud masabat ang panginahanglan sang mga apektado nga pumuluyo.













