KORONADAL CITY- Nagapadayon sa gihapon ang imbestigasyon sang Banga PNP angot sa nagluntad nga pagpangluthang sa isa ka pamilya sa banwa sang Banga, South Cotabato.
Sa interbyu sang Bombo Radyo Koronadal kay Police Major Joseph Forro, hepe sang Banga, PNP nagluntad ang pagpangluthang sa kusina sang puluy-an sang pamilya Seguin makaligad nga ginsulod sang ginapatihan nga mga armado nga kalalakiha kun sa diin naigo sang makapila ka bes ang amay sang puluy-an nga si Antonio Corpus Seguin nga nag angkon sang pilas sa tiyan kag batiis.
Nakaluwas naman ang asawa sang biktima kag pakaisa sini mangin ang pila ka miyembro sang pamilya.
Gilayon naman nga nagpalagyo ang mga suspek sa di mahibaluan nga direksyon samtang nadangat pa sa balay bululngan ang biktima kag kasamtangan nga nagapaayo.
Narekober naman sa crime scene ang mga basyo sang bala sang kalibre 45 nga armas luthang.
Sa karon ginahibalo pa sang mga otoridad ang motibo sa nasambit nga krimen.
