Ginpanginwala ni President Ferdinand Marcos Jr. ang mga alegasyon sang destabilisasyon kag ginpabutyag sang Malacañang nga tapuson sang Presidente ang iya termino sa tunga sang mga datos nga may “assassination plot” batok sa iya.
Suno kay Palace Press Officer Undersecretary Atty. Claire Castro, ini nga pahayag naggwa kasunod sang testimonya ni Ramil Madriaga sa House impeachment hearing, kun sa diin gin-alegar nga may mga pag-istoryahanay sa tunga sang kampo ni anay President Rodrigo Roa Duterte kag pila ka retirado nga heneral bahin sa plano nga puwersahon nga pagpahalin sa Presidente sa 2025.
Ginpaklaro ni Castro nga wala sang personal nga ihibalo ang Presiente ukon ang Palasyo sa mga ginbuyagyag nga pag-istoryahanay, kag ginpabutyag niya nga nagpromisa ang Presidente sa pungsod nga magaserbisyo tubtob sa katapusan sang iya termino.
Bisan pa sini, ginpasiguro sang Palasyo nga seryoso ang gobyerno sa sini nga mga alegasyon.
Magahimo man ang mga awtoridad sang imbestigasyon agud mahibaluan ang kamatuoran kag mapalabi ang seguridad sang President kag ang estabilidad sang pungsod.
