KORONADAL CITY- Ginpasiguro sang organizing committee sang 60th Palarong Pambansa ang hugot nga seguridad sa pagbukas subong nga adlaw sang mga aktibidad sa San Jose, Antique.
Sa interbyu sang Bombo Radyo Koronadal kay Atty. Arthur Lastimoso, chairman sang local organizing committee sang 60th Palarong Pambansa, apisar indi nila mahatag ang 100% nga seguridad pagahimuon suno pa nila ang tanan agud mapabilin ang kaluwasan sang mga magasali sa hinampang kag mangin man sang mga turista.
Dako naman nga hangkat sa ila ang pag-abot ni President Rodrigo Duterte ilabi na nga kinahanglan nila nga mapasiguro nga wala sang problema sa tunga sang opening ceremony karun sa hapon.
Nahibaluan nga ang chief executive ang nagapanguna nga bisita sa nasambit nga aktibidad kun sa diin una na nga naghatag sang abiso ang Presidential Security Group nga magapatuman sang signal jamming sa lugar kag sa kalapit nga lugar nga kabahin sang pagpatuman sang seguridad.
