KORONADAL CITY- Gin-umpisahan na sa karon ang pagpatindog sang mga balay bilang relocation site sang mga pamilya nga apektado sang tuman nga landslide sang Setyembre 19 sa Sitio Lamfugon, Brgy. Tinago, Norala, South Cotabato.
Ini ang ginpahayag ni Mayor Clemente Fedoc, sang Norala South Cotabato sa interbyu sang Bombo Radyo Koronadal.
Suno sa iya, naglab-ot sa halos 90 tanan ka mga pamilya sa karon ang kasamtangan nga naga istar sa evacuation , may yara man sa Brgy. Hall , sa health center kag sa ila nga pamilya.
Amo nga nagdesisyon ang LGU Norala nga padalian nga igarelocate ang mga residente bangud una na nga nagpahayag ang MGB nga indi na pwede pa makabalik ang mga pumuluyo sa Sitio Lamfugon bangud delikado na ang area sa tion nga sila ang maka eskperyensya sang pag-ulan.
Ginsiguro naman sang LGU Norala nga padayon sila nga magbulig sa mga residente agud nga mangin luwas lamang ang mga ini sa mga kalamidad nga nagaruluntad.
