Aminado ang Commission on Elections (COMELEC) nga ginakasubo nila ang nagalapta na nga mga nawong sang mga politiko bisan nga wala pa man opisyal nga nagasugod ang campaign season.
Suno kay Comelec Chairman George Erwin Garcia, nga sa pihak sini wala man sila sang mahimo bangud nga indi ini sakop sang election law subong.
Pahayag niya, nga sa idalom sang layi wala sang ginatawag nga premature campaigning sandig man sa desisyon sang Korte Suprema nga indi pa sila kandidato bisan nga nag-file na ang mga ini sang certificate of candidacy (COC).
Ikonsiderar lang sila nga kandidato pag-abot sang February 12 sa national position samtang March 28 pa para sa local positions.
Sa pihak sini, ginpanugyanan gihapon ni Garcia ang mga politiko nga temprano pa nga naga-epal nga maghinay-hinay lang kag indi pag i-underestimate ang kaalam sang mga Pinoy.
Una na nga nanawagan ang poll body sa mga aspirant nga indi pag-usaron ang nagahilapit nga kapistahan sang Poong Jesus Nazareno para nga magpasapak sa mga botante nga deboto.
