Ipatuman sang Department of Agriculture ang suggested retail price (SRP) sa bugas sa P53 kada kilo.
Ginpahayag ni Agriculture Secretary Francisco Tiu Laurel R. nga may yara sang kasugtanan ang Department of Agriculture sa mga rice industry stakeholders nga mag-set sang P53 kada kilo nga SRP para sa local rice.
Ginpahayag niya nga ini nga hakbang ginahimo agud mabalanse ang ginansa sang mga mangunguma kag ang budget sang mga manugbakal, kag masiguro nga may access gihapon sa bugas ang publiko sa mas abot-kaya nga presyo.
Apang gin-athag ni Laurel nga ang SRP sa local rice indi amo ang price ceiling, kag indi ini magapasabot nga indi na puwede magtaas ukon magnubo ang presyo depende sa supply kag demand.
Dugang niya, ang full enforcement sang P50 nga price cap para sa imported rice maga-umpisa pa sa masunod nga semana, bilang kabahin sang padayon nga pagmonitor kag pagregulate sang merkado sang bugas sa nasud.
