Sa isa ka pagtuon nga na published sa Brain Sciences Journal sining tuig 2023, natukiban sang mga scientist pinaagi sa survey nga kadam-an sa mga respondents ang nagasiling nga nagakakuha ang ila anxiety ukon depression sa tion nga magkupkupanay sa ila partner.
Ini nga survey ang ginpatigayon sa tion sang COVID-19 Pandemic kun sa diin, pila sa mga tawo ang naapektuhan ang mental nga kondisyon.
Pero ngaa ayhan makapabuhin ang pagkupo sa simtomas sang depression?
Suno sa author sang amo nga research, ini ang posible epekto sang oxytocin sa lawas nga nagadugang sa tagsa nga may romantiko nga paghakos sa partner.
Ang oxytocin, ang isa ka hormone nga importante para sa close social relationships kag bonding sa tunga sang duha ka indibidwal.
Gani buot silingon mga kabandera, mas madamo nga hakos, mas manubo ang tiyansa sang depression.
Tandaan lang kabandera, kun may problema, si partner mo ang dapat kakupkupanay, indi ang imo kaingud-balay.
