KORONADAL CITY – Nagpatigayon sang monitoring ang National Irrigation Authority (NIA) Region 12 sa mga irrigation system sa bug-os nga Soccksargen sa posible nga pagkaguba bangud sa pipila ka adlaw nga pagbubo sang ulan resulta sang abnormal nga panyempo sang Shear Line.
Ini ang nanginpahayag ni Engr. Ma. Luz Laud, Division Manager ng NIA Soith Cotabato-Saranggani sa interbyu sang Bombo Radyo Koronadal. Suno pa kay Engr. Laud, kinahanglan nga masiguro nga wala sang maguba nga mga irrigation dams kag canals agud padayon ang patubig sa mga pananom sang mga mangunguma kag bilang preparasyon na man sa mangin epekto sang El Niño phenomenon.
Dugang pa sang opisyal, sadtong nakaligad nga tuig pa nga nakapreparar ang mitigation plan sang ila talatapan kag ginpasiguro sa mga mangunguman ang sapat nga patubig tubtub sa bulan sang Mayo nga suno sa forecst sang PAG-ASA makabatyag ang pungsod sang tag-init.
Sa karon, temporaryo lang ang ulan nga nabatyagan sang rehiyon bangud sa abnormal nga panyempo rason nga magapadayon suno pa ang ila nga pagpaguwas sang advisories sa mga mangunguman.
Ginpasiguro naman sini nga kaupod sang National Irrigation Administration ang Department of Agriculture Region 12 kag mga local government units sa ginahimo nga preparasyon sa madako nga epekto sang manug-abot nga El Niño.
