P6-M marijuana plants nabunot sa Maguindanao, P250, 000 nga balor sang marijuana seedlings nakumpiskar

KORONADAL CITY – Ginatun-an na sang mga otoridad kun sin-o ang yara sa likod sang malapad nga marijuana plantation sa Matnog, Maguindanao.

Ini kasunod sang pagkabunot sa mga marijuana plants sa nasambit nga lugar nga nagabalr sang halos P6-M.

Ang nasambit nga operasyon ang ginpangunahan sang Philippine Drug Enforcement Agency sa Autonomous Region in Muslim Mindanao (PDEA-ARMM), Matnog PNP kag Maguindanao provincial police personnel kun sa diin ginbuligan sila sang mga lokal nga residente sa pagbunot sa 240 nga marijuana plants sa isa ka ektarya nga plantasyon.

Magluwas diri nakumpiskar man sang mga otoridad ang 200 nga marijuana seedlings nga yara sa P250, 000 ang balor.