Yara na sa kustodiya sang Datu Montawal MPS ang 26-anyos nga lalaki matapos ini nga nakumpiskaran sang nagabalor nga ₱1.7 milyon nga ilegal nga shabu sa lugar sang Maguindanao del Sur sang tinalikdan nga adlaw.
Narekober pa sa suspek ang isa ka wala lisensya nga .38 caliber revolver kag sa karon yara na ini sa mga kapulisan.
Samtang, luyag pa sang Datu Montawal Municipal Police Station nga mapahugtan pa ang ila nga pagbantay sa mga naga agi nga motorista ukon mga salakyan agud nga masiguro nga wala sang may makasulod sa lugar sang ilegal nga droga ilabi na sa indi lesensyado nga mga armas luthang.
Sa subong, ang suspek ang yara na kustodiya sang mga kapulisan kag nagaatubang na sang kaso nga paglapas sa Comprehensive Dangerous Drugs Act of 2002.
Nahibaluan man nga ang suspek madugay na nga naga dul-ong sang shabu sa mga buyers sa lugar sang Maguindanao del Sur kag sa probinsya sang Cotabato nga sakop ng Rehiyon 12.
