KORONADAL CITY- Emosyonal nga nagpangayo sang bulig ang hinablos sang isa ka OFW sa Bombo Radyo Koroandal makaligad nga maka eskperyensya sang tuman nga pagpang abuso ang iya tiya nga yara sa pungsod Saudi Arabia.
Sa interbyu sang Bombo Radyo Koronadal kay alyas Jing2 ang hinablos sang OFW tuman ang kaluoy nga nabatyagan sini sa iya nga tiya nga si Alicia Gandid Simpal makaligad nga naka eksperyensya sang pagpanakit sang iya mga amo kag pagpreso sa iya sa puluy-an.
Dugang pa nga ini man ang wala ginahatagan sang nagakaigo nga sweldo kun sa diin nahuna-hunaan sini nga maglagyo sa iya mga amo.
Bag-o pa man nakaabot sa Philippine Embassy agud makapangayo sang bulig ini ang pwersahan nga gindala sang isa ka lalaki nga ginkilala kay Mario Conception nga nagpakilala nga taga embahada apang sa ulihi natukiban sini nga ginabaligya sini ang mga OFW nga nagapalagyo sa ila mga amo.
Sa subong naka confine ang tiya sini kun sa diin ginakabalak-an sini nga mas maglala pa ang iya ginabatyag.
