KORONADAL CITY – Aminado ang kapulisan sa siyudad sang Koronadal nga liwat nagbalik ang mga indibidwal nga nagaduso kag nagagamit na nga daan sang ilegal nga droga sa siyudad sang Koronadal.
Ini ang nangin pamahayag ni PLtCol. Hoover Antonio, hepe sang Koronadal City PNP sa interview sang Bombo Radyo.
Suno kay Antonio, naglab-ot sa 50% sang numero sang mga anay drug surrenderees kag newly identified individuals ang nagbalik sa pagduso kag pagpamaligya sang illegal nga droga sa siyudad.
Samtang, ginpasalig naman ni Antonio ang ila hugot ngapagtutok sa nagasaka nga numero sang mga nagbalik sa paggamit sang illegal nga droga.
Nahibaluan nga sa 5 ka mga police drug operations sang Koronadal City PNP, duha sa mga ini ang ginakabig nga high value individuals kag rank 8 regional most wanted drug suspects.
Kaangot sini, padayon ang panawagan sang mga otoridad sa mga involbado sa illegal nga droga nga magbiya na sa hilikuton bangud mdakpan sa gihapon ang mga ini sang otoridad sa ulihi.
